Fruizko probalekuko instalazio fotovoltaikoaren diseinua eta obra zuzendaritza

/in /by

Fruizko Udalak pauso bat gehiago eman du energia-trantsizioan, probalekuko estalkian kokatutako autokontsumo fotovoltaiko partekatuko instalazioa amaituta. 43,5 kW-ko potentzia duen instalazio honek 75 eguzki-panel ditu. Eguzki-sistemaren ezaugarri optimoei esker, sortutako argindarrak inguruko hainbat udal-eraikin eta zerbitzu hornituko ditu: probalekua, futbol-aldagelak, eskola zaharrak, frontoia, igerilekua, udaletxea, Lurbarri eraikina eta Lurraldai txokoa.




Barrizarrek diseinatutako proiektua lizitaziora atera da, eta exekuzio fasean enpresa instalatzailearen koordinazioa zein obra zuzendaritzaz arduratu gara. Halaber, instalazioaren kalitate-kontrola gauzatu dugu, funtzionamendu egokia eta baldintza teknikoen gutxieneko betetze maila bermatzeko.

Fruizko Udalaren energia-beharrak aztertzerakoan, berezitasun nagusi bat identifikatu da: igerilekuko ur-ponpa, iragazte eta tratamendu-sistemek eragindako kontsumo handia, lau hilabeteko epean kontzentratzen dena. Sorkuntza eta kontsumo kurbak optimizatzeko, energiaren banaketa ehuneko desberdinetan egingo da urtean zehar bi aldi nagusitan banatuta:

  • Urria – maiatza: igerilekuak ez du kontsumorik, baina aerotermia bidez berotzen diren eraikinen energia-eskaria asetzeko erabiliko da energia.
  • Ekaina – iraila: eraikinetako berokuntza-eskaria txikitzen denez, igerilekuko kontsumoa asetzeo erabiliko da.

Beheko irudian energia banaketa ikusiten da eraikin desberdinen artean.

Modu honetan Fruizko Udalak instalazio fotovoltaiko eraginkor, malgu eta erabat optimizatua du bere eraikin publikoen jasangarritasuna bermatuz.

Lekeitioko Trinkete Etxeko instalazio berriztagarri termiko zein elektrikoen diseinua eta obra-zuzendaritza

/in /by

Lekeitioko Udalak Trinkete Etxeko erregai fosilak berriztagarriengatik ordezkatzeko eta energia-menpekotasuna murrizteko proiektuaren diseinatzeko ardura eman zion Barrizar kooperatibari.

Eraikin honek berokuntzarako 332 kW-ko gasolio galdara gaindimentsionatu bat zuen instalatuta lehen, teilatuan funtzionatzen ez zuen kolektore termikoen instalazio batekin batera.

Eraikinaren kontsumo-eredua sistema berriztagarri eta eraginkor batera aldatzeko, gasolio-galdara aerotermiarengatik ordezkatzeko instalazioa dimentsionatu zen, teilatuan instalazio fotovoltaiko bat instalatzeko aukera azpimarratuz, Honela, lanak lizitaziora atera zituen Udalak eta zuzendaritza-lanak gainbegiratu ditugu.

Obraren dimentsionamenduan eta jarraipen teknikoan, ardatz nagusi hauek zaindu eta ziurtatu dira:

  • Kontsumo handieneko egunei erantzuteko ahalmena.
  • Sistema berriaren eraginkortasun-maila altua.
  • Elementuen eta horniduren kalitatea.
  • Proiektuaren hobekuntzak.
  • Martxan jartze optimoa eta mantentze-planaren gutxieneko baldintzak.

Aerotermia-sistema berria 16 kW termikoko sei aerotermia ekipok eta 500 L-ko bost deposituz osatuta dago. Aerotermia ekipoetako batek tenperatura altuan funtzionatzen du UBS zerbitzuan Legionella arazoak saihesteko, deposituetako bi berokuntzara bideratuta daude eta beste hirurak UBS zerbitzua bermatzera.

Instalazio fotovoltaiko berria 15 kW-ko bi inbertsore hibridoz eta 595W-ko potentzia duten 66 modulu fotovoltaikoz osatuta dago. Inbertsore hibridoek etorkizunean bateriak instalatzeko aukera eman dezakete, hauek aldatu beharrik gabe.

Obra-zuzendaritza honi esker, Lekeitioko Udalak berme osoz amaitu du Trinkete Etxeko energia-sistemen modernizazioa, instalazioen efizientzia, segurtasuna eta iraupena ziurtatuz.

Ziortza-Bolibarko Bolintxu energia-komunitatearentzako instalazio fotovoltaikoen obra-zuzendaritza

/in /by

Barrizarrek Ziortza-Bolibarko frontoiko eta Iruzubieta auzoko bolatokiko teilatuetan kokatutako elkarbanatutako autokontsumo-instalazioak martxan jartzeko lanen obra-zuzendaritza gauzatu du. Ekimen honi esker, Bolintxu energia komunitateko bazkideak autokontsumitzaile bihurtuko dira, eguzki-energiaren aprobetxamendua modu partekatuan hobetzeko helburuarekin.

Bi instalazio fotovoltaikoen obra-zuzendaritza lanetaz arduratu gara:

  • Ziortza-Bolibarko Frontoia: 40 kW-ko inbertsorea eta 595 W-ko 88 modulu fotovoltaiko. Guztira 52 kW-ko potentzia ahalmena paneletan.
  • Iruzubieta Auzoko Bolatokia: 20 kW-ko inbertsorea eta 595 W-ko 42 modulu fotovoltaiko. Guztira 25 kW-ko potentzia ahalmena paneletan.

Bi instalazio hauei esker, komunitate energetikoak bere energia propioa sortzea eta modu eraginkorrean kudeatzea lortu du.

Busturiko Klima eta Energia Plan Integratua

/in /by

Busturiko Udalak mugarri garrantzitsua ezarri du 2025ean udalerriaren trantsizio energetikoan: Klima eta Energia Planaren garapena. Dokumentu estrategiko honek datozen 25 urteetako bide-orria finkatzen du, karbonoan neutroa izango den udalerria lortzeko asmoz.

Euskadiko zein Europako estrategia nagusiekin bat eginez, plan honek Busturiko energia-kontsumoaren eta isurien azterketa sakona du oinarri. Gainera, klima-aldaketak herrian izan ditzakeen arriskuak aurreikusteko balio du, herritarren ongizatea eta ingurumena babesteko.

Lehentasunezko ekintzak: Erronkatik ekintzara

Plana ez da asmo huts bat eta aurrera eramateko ekintza ezberdinak adierazi dira. Lehentasun handiena duten ekintzak ondorengoak dira:

  • Eraginkortasuna eraikin publikoetan: Udal eraikinen energia-auditoretzak eta ziurtagiriak egitea, baita Mediku Etxean eta Kultur Etxean sistemak berritzea ere (aerotermia eta zonifikazioa).
  • Energia-auditoretzak: udal eraikinetan eta argiteria publikoan.
  • LED argien instalazioarekin jarraitzea Argiteria Publikoan.
  • Energia berriztagarriak eta komunitatea: eguzki-instalazio fotovoltaikoak kiroldegian, energia-komunitateen sorkuntza eta eguzki-energia partekatua bultzatzea.
  • Mugikortasuna eta garraioa: auto elektrikoentzako karga-puntuak instalatzea eta bidegorriaren erabilera sustatzea.
  • Gizarte-konpromisoa eta babesa: eskualdeko energia-bulegoa sortzea, pobrezia energetikoari aurre egiteko protokoloak garatzea eta itsas mailaren igoeraren aurkako babes-neurriak hartzea.

Proposatutako ekintzekin, 2050erako lortu nahi diren udalerri-mailako helburuak ondorengoak dira:

KLIMA ALDAKETA ARINTZEKO HELBURUAK

  • CO2 isuriak % 60 murriztea.
  • Energia-kontsumo primarioa % 40 murriztea.
  • Energia berriztagarrien ekarpena kontsumoaren % 40 izatera iristea.

KLIMA ALDAKETARA EGOKITZEKO HELBURUAK

  • Bero-boladak aurreikusten ikastea eta azpiegituren egokitzapena.
  • Ibai-uholdeen aurrean babesak eraikitzea eta eremu zaurgarriak babestea.
  • Lehorteak daudenean sute-arriskua kontrolpean izatea eta ur-hornidura bermatzea.

Amorotoko argiteria publikoaren auditoretza energetikoa

/in , /by

Barrizarrek Amorotoko Udalarentzat argiteria publikoaren auditoretza energetikoa egin du, udalerriko argiteria publikoaren instalazioen egoera, energia-eraginkortasuna eta indarreko araudiaren betetze-maila ebaluatzeko.

Lanaren barruan, udalerriko argiteria publiko osoaren inbentarioa osatu da, aginte-koadroak, luminariak eta gainerako elementuak identifikatuta eta karakterizatuta. Horrez gain, energia-kontsumoa eta fakturazioa aztertu dira, argiztapen-mailen neurketak egin dira, instalazio elektrikoen egoera eta eraginkortasuna ebaluatu dira, azterketa termografikoak egin dira eta argi-kutsaduraren egoera aztertu da.

Egindako diagnostikoaren ondorioz, argiteria publikoa modernizatzeko eta haren kudeaketa optimizatzeko hainbat hobekuntza-neurri proposatu dira. Horien artean daude aginte-koadroen egokitzapena, LED teknologia ezartzea, gaueko potentzia erregulatzeko sistemak instalatzea eta mantentze-lanak optimizatzea. Neurri horien bidez energia-kontsumoa eta ustiapen-kostuak murriztea, CO₂ emisioak gutxitzea eta udalerriko argiteria publikoaren kalitatea eta jasangarritasuna hobetzea aurreikusten da.

Auditoretza honek Amorotoko Udalari argiteria publikoaren etorkizuneko inbertsioak planifikatzeko eta erabaki teknikoak datu objektiboetan oinarrituta hartzeko tresna sendoa eskaintzen dio.

Amorotoko klima eta energia Plan Integratua

/in /by

Amorotoko Udalak 2024 urtean energia-plangintzarako balioko zion Klima eta Energia Planaren garapena martxan jartzea erabaki zuen.

Dokumentu honek hurrengo 20 urteetako bidea finkatzea du helburu, autonomia erkidego mailatik Europa mailara doazen estrategiekin bat egin eta karbonoan neutroa den udalerria bihurtzeko.

Honetarako udalerriko energia-kontsumo eta isurien azterketa sakona egin da, klima aldaketak izan ditzakeen arriskuak aztertzeaz gain. Plan Integratua aurrera eramateko ekintza ezberdinak adierazi dira. Lehentasun handiena duten ekintzak ondorengoak dira:

  • Argiteria publikoaren hobekuntza: egungo argiteria LED teknologiadun kale-argiekin ordezkatzea. 2026-2029 artean burutzeko epea ezarri da.
  • Instalazio FV partekatua eskolan: udal eraikinetako argindarra hornitzeko autokontsumo partekatuko instalazio fotovoltaikoa eskolako estalkian. 2026 urtea zehaztu da horretarako.
  • Aerotermia instalazioa udaletxean: udaletxeko berokuntza erregai fosilen bidez izan ordez iturri berriztagarrietatik egiteko. 2025 urtea zehaztu da ekintza aurrera eramateko.
  • ZEB sektore publikoan: zerbitzu publikoen argindarra iturri berriztagarrien bidezkoa izatea bermatzeko, Zertifikatutako Energia Berdea kontratatzea. 2024 urtea mugatu da ekintza burutzeko.
  • ZEB sektore pribatuan: udal-zerbitzutean bezala, sektore pribatuan ZEB sustatzeko ekintzak garatzea du lehentasuna udalak. Planak diharduen bitartean sustatuko dira energia kontratu mota hauek.
  • Energia komunitateari bultzada: auzolana eta energia berriztagarriak aurrera eramatea da helburu. 2025 eta 2030 urteen artean garatzea aurreikusi da.
  • Instalazio FV komunitarioak: herritarren beharrizan elektrikoak asetzeko instalazio fotovoltaiko partekatuen sustapena. 2026 eta 2030 urteen artean garatzea zehaztu da.
  • Eskualdeko energia bulegoa: energia arloaren inguruko herritarren ezagutza-maila eta kritikotasuna sustatzeko eskualde mailako bulego bat sortzea proposatzen da, herritarrei erabakiak hartzen laguntzeko. 2027 eta 2031 urteen artean garatzea proposatu da.

Proposatutako ekintzekin, 2044rako lortu nahi diren udalerri-mailako helburuak ondorengoak dira:

KLIMA ALDAKETA ARINTZEKO HELBURUAK

  • CO2 isuriak %60 murriztea.
  • Energia-kontsumo primarioa %40 murriztea.
  • Energia berriztagarrien ekarpena kontsumoaren %40 izatera iristea.

KLIMA ALDAKETARA EGOKITZEKO HELBURUAK

  • Bero-boladak aurreikusten ikastea eta azpiegituren egokitzapena.
  • Ibai-uholdeen aurrean babesak eraikitzea eta eremu zaurgarriak babestea.
  • Lehorteak daudenean sute-arriskua kontrolpean izatea eta ur-hornidura bermatzea.

Amorotoko klima eta energia Plan Integratua eskuragarri hemen.

Energia Eraginkortasun Ziurtagiriak udalerri ezberdinetan

/in /by

Eusko Jaurlaritzak argitaratutako 4/2019-ko Lege berriaren arabera, administrazio publikoak ziurtagiri energetikoak egin behar ditu eraikin publiko guztietan.

Energia Eraginkortasun Ziurtagiria (EEZ) energiari buruzko informazioa biltzen duen dokumentu ofiziala da: kontsumitzaileen eskaria asetzeko behar den urteko kontsumoa, elektrizitatea eta beroa sortzeko sistemak, eraikinaren baldintzak (inguratzaile termikoa, eraikuntza-materialak, etab.), besteak beste. Datu guztiak lortu ondoren, kalifikazio energetiko bat lortzen da A-tik (handiena) G-ra (txikiena) bitarteko eskalan non energia primario ez-berriztagarriaren eta karbono dioxidoaren emisioen neurriak baloratzen diren. Azkenik, dokumentuak energia-hobekuntzen atal bat du eta bertan energia-kalifikazioa aurkezten da, kalifikazio hori hobetzeko ekintzen proposamenekin batera.

Honen harira, Busturialdeko eta Lea Artibaiko udalerri ezberdinetan, udal eraikinen Energia Eraginkortasun Ziurtagiriak burutu dira. Jarraian adierazi dira udalerri bakoitzean egindako ziurtagiriak.

Lekeitio:

  • Futbol zelaiko aldagelak.
  • Itsasargia.
  • Bake Epaitegia.
  • Jubilatuen etxea.
  • Eskola.
  • Haur-eskola.
  • Udaletxea.
  • Trinkete etxea.
  • Kultur etxea.
  • AEK lokala.
  • Brigadako aldagelak.
  • Isuntza Arraun Elkartea.
  • Nautika.
  • Lekeitioko HHI.
  • Emakumeen Lokala.
  • Plazapeko WC eta aldagelak.
  • Musika Eskola.
  • REM Atea.
  • Tximista Atletismo Taldea.

Mendata:

  • Udaletxea.
  • Elizoste.
  • Zarrabenta Taberna.
  • Zarrabenta Txokoa.
  • Albizko Txokoa.

Munitibar:

  • Udaletxea.
  • Frontoia.
  • Aterpetxea.
  • Eskola.
  • Udaletxe Zaharra.
  • Botikina.
  • Ludoteka.

Murueta:

  • Flores Etxea.
  • Frontoia.
  • Eskola.
  • Udalbarri.
  • Udaletxea.
  • Aldai Etxea.

Busturia:

  • Udaletxea.
  • Kultur Etxea.
  • Gimnasioa.
  • Medikua.
  • Eskola.
  • Haur-eskola.

Auditoretza energetikoak Bakioko udal eraikinetan

/in /by

Eusko Jaurlaritzaren 4/2019 Legearen eskakizunen ondorioz, Bakioko Udalak 70 kW-tik gorako potentzia termikoa duten eraikinetan auditoretza energetikoak egin ditu. Aztertutako eraikinak Udaletxea, Kiroldegia eta Txakolingunea dira. Jarraian, eraikin bakoitzeko eraginkortasun energetikoa hobetzeko egindako proposamenak aipatu dira:

Udaletxea:

  • Ziurtatutako Energia Berdearen hornidura, elektrizitatea jatorri berriztagarrietatik datorrela bermatuz.
  • LED teknologia bidezko argiztapena argindar kontsumoa murrizteko.
  • Biomasa galdara instalazioa, etxeko ur beroa eta berokuntza energia iturri berriztagarrien bidez burutzeko.
  • Eraikinaren inguratzailearen hobekuntza, energia termikoaren eskaria murrizteko.
  • Kiroldegiko instalazio fotovoltaikoaren sorkuntzaren aprobetxamendua argindar eskariaren zati bat asetzeko.

Kiroldegia:

  • Biomasa bidezko instalazioa gauzatzea, beharrizan termikoak asetzeko.
  • Instalazio fotovoltaiko partekatua ezartzea estalkian, auditoretza honetan aztertu diren eraikinetako autokontsumoa sustatzeko.
  • Ur kontsumoaren murrizketa sustatzea.

Txakolingunea:

  • Argindarraren kosturen murrizketa kontratuaren doiketa bidez.
  • LED teknologia bidezko argiztapena argindar kontsumoa murrizteko.
  • Presentzia eta argitasun sentsoreen instalazioa komunetan.
  • Bigarren solairuko erakusketa aretoko bulegoetan klimatizazio-sistema berria aerotermia instalazio independenteen bidez.
  • Kiroldegiko instalazio fotovoltaikoaren sorkuntzaren aprobetxamendua argindar eskariaren zati bat asetzeko.

Muruetako klima eta energia Plan Integratua

/in /by

Muruetako Udalak 2024 urtean energia-plangintzarako balioko zion Klima eta Energia Planaren garapena martxan jartzea erabaki zuen.

Dokumentu honek hurrengo 20 urteetako bidea finkatzea du helburu, autonomia erkidego mailatik Europa mailara doazen estrategiekin bat egin eta karbonoan neutroa den udalerria bihurtzeko.

Honetarako udalerriko energia-kontsumo eta isurien azterketa sakona egin da, klima aldaketak izan ditzakeen arriskuak aztertzeaz gain. Plan Integratua aurrera eramateko ekintza ezberdinak adierazi dira. Lehentasun handiena duten ekintzak ondorengoak dira:

  • Argiteria publikoaren hobekuntza: egungo argiteria LED teknologiadun kale-argiekin ordezkatzea. 2025-2027 artean burutzeko epea ezarri da.
  • Instalazio FV partekatua frontoian: udal eraikinetako argindarra hornitzeko autokontsumo partekatuko instalazio fotovoltaikoa frontoiko estalkian. 2024 urtea zehaztu da ekintza horretarako.
  • ZEB sektore publikoan: zerbitzu publikoen argindarra iturri berriztagarrien bidezkoa izatea bermatzeko, Ziurtatutako Energia Berdea kontratatzea. 2026-2028 urten artean mugatu da ekintza burutzeko epea.
  • ZEB sektore pribatuan: udal-zerbitzutean bezala, sektore pribatuan ZEB sustatzeko ekintzak garatzea du lehentasuna udalak. Planak diharduen bitartean sustatuko dira energia kontratu mota hauek.
  • Energia komunitatearen sorkuntza: auzolana eta energia berriztagarriak aurrera eramatea da helburu. 2027 eta 2029 urteen artean garatzea aurreikusi da.
  • Instalazio FV komunitarioak: herritarren beharrizan elektrikoak asetzeko instalazio fotovoltaiko partekatuen sustapena. 2030 eta 2033 urteen artean garatzea zehaztu da.
  • Eskualdeko energia bulegoa: energia arloaren inguruko herritarren ezagutza-maila eta kritikotasuna sustatzeko eskualde mailako bulego bat sortzea proposatzen da, herritarrei erabakiak hartzen laguntzeko. 2027 eta 2031 urteen artean garatzea proposatu da.

Proposatutako ekintzekin, 2044rako lortu nahi diren udalerri-mailako helburuak ondorengoak dira:

KLIMA ALDAKETA ARINTZEKO HELBURUAK

  • CO2 isuriak %60 murriztea.
  • Energia-kontsumo primarioa %40 murriztea.
  • Energia berriztagarrien ekarpena kontsumoaren %40 izatera iristea.

KLIMA ALDAKETARA EGOKITZEKO HELBURUAK

  • Bero-boladak aurreikusten ikastea eta azpiegituren egokitzapena.
  • Ibai-uholdeen aurrean babesak eraikitzea eta eremu zaurgarriak babestea.
  • Itsas-uholdeekiko arriskuaren aurrean, kosta-lerrotik gertu dauden eremu arriskutsuak babestea.
  • Lehorteak daudenean sute-arriskua kontrolpean izatea eta ur-hornidura bermatzea.

Mendexako klima eta energia Plan Integratua

/in /by

Mendexako Udalak 2025 urtean energia-plangintzarako balioko zion Klima eta Energia Planaren garapena martxan jartzea erabaki zuen.

Dokumentu honek hurrengo 20 urteetako bidea finkatzea du helburu, autonomia erkidego mailatik Europa mailara doazen estrategiekin bat egin eta karbonoan neutroa den udalerria bihurtzeko.

Honetarako udalerriko energia-kontsumo eta isurien azterketa sakona egin da, klima aldaketak izan ditzakeen arriskuak aztertzeaz gain. Plan Integratua aurrera eramateko ekintza ezberdinak adierazi dira. Lehentasun handiena duten ekintzak ondorengoak dira:

  • Argiteria publikoaren hobekuntza: egungo argiteria LED teknologiadun kale-argiekin ordezkatzea. 2025-2030 artean burutzeko epea ezarri da.
  • Aerotermia instalazioa udaletxean: udaletxeko berokuntza erregai fosilen bidez izan ordez iturri berriztagarrietatik egiteko. 2025 urtea zehaztu da ekintza aurrera eramateko.
  • ZEB sektore publikoan: zerbitzu publikoen argindarra iturri berriztagarrien bidezkoa izatea bermatzeko, Ziurtatutako Energia Berdea kontratatzea. 2025 urtea mugatu da ekintza burutzeko.
  • ZEB sektore pribatuan: udal-zerbitzutean bezala, sektore pribatuan ZEB sustatzeko ekintzak garatzea du lehentasuna udalak. Planak diharduen bitartean sustatuko dira energia kontratu mota hauek.
  • Energia komunitateari bultzada: auzolana eta energia berriztagarriak aurrera eramatea da helburu. 2025 eta 2030 urteen artean garatzea aurreikusi da.
  • Instalazio FV komunitarioak: herritarren beharrizan elektrikoak asetzeko instalazio fotovoltaiko partekatuen sustapena. 2026 eta 2030 urteen artean garatzea zehaztu da.
  • Eskualdeko energia bulegoa: energia arloaren inguruko herritarren ezagutza-maila eta kritikotasuna sustatzeko eskualde mailako bulego bat sortzea proposatzen da, herritarrei erabakiak hartzen laguntzeko. 2027 eta 2031 urteen artean garatzea proposatu da.

Proposatutako ekintzekin, 2045erako lortu nahi diren udalerri-mailako helburuak ondorengoak dira:

KLIMA ALDAKETA ARINTZEKO HELBURUAK

  • CO2 isuriak %60 murriztea.
  • Energia-kontsumo primarioa %40 murriztea.
  • Energia berriztagarrien ekarpena kontsumoaren %40 izatera iristea.

KLIMA ALDAKETARA EGOKITZEKO HELBURUAK

  • Bero-boladak aurreikusten ikastea eta azpiegituren egokitzapena.
  • Itsas-uholdeekiko arriskuaren aurrean, kosta-lerrotik gertu dauden eremu arriskutsuak babestea.
  • Ibai-uholdeen aurrean babesak eraikitzea eta eremu zaurgarriak babestea.
  • Lehorteak daudenean sute-arriskua kontrolpean izatea eta ur-hornidura bermatzea.