Ziortza-Bolibarko Bolintxu energia-komunitatearentzako instalazio fotovoltaikoen obra-zuzendaritza
Barrizarrek Ziortza-Bolibarko frontoiko eta Iruzubieta auzoko bolatokiko teilatuetan kokatutako elkarbanatutako autokontsumo-instalazioak martxan jartzeko lanen obra-zuzendaritza gauzatu du. Ekimen honi esker, Bolintxu energia komunitateko bazkideak autokontsumitzaile bihurtuko dira, eguzki-energiaren aprobetxamendua modu partekatuan hobetzeko helburuarekin.
Bi instalazio fotovoltaikoen obra-zuzendaritza lanetaz arduratu gara:
- Ziortza-Bolibarko Frontoia: 40 kW-ko inbertsorea eta 595 W-ko 88 modulu fotovoltaiko. Guztira 52 kW-ko potentzia ahalmena paneletan.
- Iruzubieta Auzoko Bolatokia: 20 kW-ko inbertsorea eta 595 W-ko 42 modulu fotovoltaiko. Guztira 25 kW-ko potentzia ahalmena paneletan.
Bi instalazio hauei esker, komunitate energetikoak bere energia propioa sortzea eta modu eraginkorrean kudeatzea lortu du.
