Elantxobeko klima eta energia Plan Integratua

/in /by

Elantxobeko Udalak 2023 urtean energia-plangintzarako balioko zion Klima eta Energia Planaren garapena martxan jartzea erabaki zuen.

Dokumentu honek hurrengo 20 urteetako bidea finkatzea du helburu, autonomia erkidego mailatik Europa mailara doazen estrategiekin bat egin eta karbonoan neutroa den udalerria bihurtzeko.

Honetarako udalerriko energia-kontsumo eta isurien azterketa sakona egin da, klima aldaketak izan ditzakeen arriskuak aztertzeaz gain. Honela, hobekuntzarako ekintza desberdinak prestatu dira klima aldaketa arintzeko eta honetara egokitzeko lerro estrategikoetan banatuta:

  1. Energia eraginkortasuna: Kontsumo publiko elektriko eta termikoa murrizteko proposamenak, udalerriko kontsumoaren murrizketa sustatzeko ekintzekin batera.
  2. Energia sorkuntza berriztagarria: Herrian bertan energia sortzeko proposamenak, sektore publikoak eredu izan behar du herritarrek ere bide bera jarri dezaten. Udalerri mailako kontsumo fosilen erabilera ordezkatzeko alternatibak ere aztertu dira.
  3. Parte-hartzearen sustapena: Klima aldaketari aurre egiteko biztanleriaren parte-hartze aktiboa ezinbestekoa izango da, hau bultatzeko ekintzak biltzen ditu lerro estrategiko honek.
  4. Mugikortasun jasangarria: Erregai fosiletan oinarritutako mugikortasuna murriztu edota ordezkatzeko alternatibak.
  5. Hondakinen kudeaketa: Birziklapen-tasa handitu, hondakin kantitatea murriztu eta kontzientziazioa handitzeko ekintzak.
  6. Bertoko garapen jasangarria: Jasangarritasunaren arloko hobekuntza-ekintzetan herritarren arteko kooperazioa udalerriaren garapen iraunkorra lortzeko.
  7. Biodibertsitatearen sustapena: Fauna eta flora babestuko dituzten ekintzen garapena, baso-ereduaren aldaketa eskatzen duena.
  8. Azpiegituren hobekuntza: Klima aldaketaren inpaktuen aurrean udalerriko azpiegiturak hobetu eta egokitzea, arrisku hauek murriztu eta biztanleria babesteko.
  9. Ur-hornikuntza bermatzea: Lehorteen aurrean herria prestatzea, egoera berrietara egokitzen laguntzeko eta inpaktuak murrizteko.

Proposatutako ekintzekin, 2044rako lortu nahi diren udalerri-mailako helburuak ondorengoak dira:

KLIMA ALDAKETA ARINTZEKO HELBURUAK

  • CO2 isuriak %60 murriztea
  • Energia-kontsumo primarioa %40 murriztea
  • Energia berriztagarrien ekarpena kontsumoaren %40 izatera iristea

KLIMA ALDAKETARA EGOKITZEKO HELBURUAK

  • Bero-boladak aurreikusten ikastea eta azpiegituren egokitzapena
  • Itsas-uholdeekiko arriskuaren aurrean, kosta-lerrotik gertu dauden eremu arriskutsuak babestea
  • Lehorteak daudenean sute-arriskua kontrolpean izatea eta ur-hornidura bermatzea

Lekeitioko klima eta energia Plan Integratua

/in /by

Lekeitioko Udalak 2023 urtean energia-plangintzarako balioko zion Klima eta Energia Planaren garapena martxan jartzea erabaki zuen.

Dokumentu honek hurrengo 20 urteetako bidea finkatzea du helburu, autonomia erkidego mailatik Europa mailara doazen estrategiekin bat egin eta karbonoan neutroa den udalerria bihurtzeko.

Honetarako udalerriko energia-kontsumo eta isurien azterketa sakona egin da, klima aldaketak izan ditzakeen arriskuak aztertzeaz gain. Honela, hobekuntzarako ekintza desberdinak prestatu dira klima aldaketa arintzeko eta honetara egokitzeko lerro estrategikoetan banatuta:

  1. Energia eraginkortasuna: Kontsumo publiko elektriko eta termikoa murrizteko proposamenak, udalerriko kontsumoaren murrizketa sustatzeko ekintzekin batera.
  2. Energia sorkuntza berriztagarria: Herrian bertan energia sortzeko proposamenak, sektore publikoak eredu izan behar du herritarrek ere bide bera jarri dezaten. Udalerri mailako kontsumo fosilen erabilera ordezkatzeko alternatibak ere aztertu dira.
  3. Parte-hartzearen sustapena: Klima aldaketari aurre egiteko biztanleriaren parte-hartze aktiboa ezinbestekoa izango da, hau bultatzeko ekintzak biltzen ditu lerro estrategiko honek.
  4. Mugikortasun jasangarria: Erregai fosiletan oinarritutako mugikortasuna murriztu edota ordezkatzeko alternatibak.
  5. Hondakinen kudeaketa: Birziklapen-tasa handitu, hondakin kantitatea murriztu eta kontzientziazioa handitzeko ekintzak.
  6. Bertoko garapen jasangarria: Jasangarritasunaren arloko hobekuntza-ekintzetan herritarren arteko kooperazioa udalerriaren garapen iraunkorra lortzeko.
  7. Biodibertsitatearen sustapena: Fauna eta flora babestuko dituzten ekintzen garapena, baso-ereduaren aldaketa eskatzen duena.
  8. Azpiegituren hobekuntza: Klima aldaketaren inpaktuen aurrean udalerriko azpiegiturak hobetu eta egokitzea, arrisku hauek murriztu eta biztanleria babesteko.
  9. Ur-hornikuntza bermatzea: Lehorteen aurrean herria prestatzea, egoera berrietara egokitzen laguntzeko eta inpaktuak murrizteko.

Proposatutako ekintzekin, 2044rako lortu nahi diren udalerri-mailako helburuak ondorengoak dira:

KLIMA ALDAKETA ARINTZEKO HELBURUAK

  • CO2 isuriak %60 murriztea
  • Energia-kontsumo primarioa %40 murriztea
  • Energia berriztagarrien ekarpena kontsumoaren %40 izatera iristea

KLIMA ALDAKETARA EGOKITZEKO HELBURUAK

  • Bero-boladak aurreikusten ikastea eta azpiegituren egokitzapena
  • Ibai-uholdeen aurrean babesak eraikitzea eta eremu zaurgarriak babestea
  • Itsas-uholdeekiko arriskuaren aurrean, kosta-lerrotik gertu dauden eremu arriskutsuak babestea
  • Lehorteak daudenean sute-arriskua kontrolpean izatea eta ur-hornidura bermatzea

Bioerregai solidoei aplikatutako zergetan aldaketak

/in /by

Uztailaren 1etik aurrera biomasa erregaiei (pellet eta ezpala) aplikatutako BEZa %10etik %21era itzuli da.

Murriztutako %10eko BEZa 2023ko abenduaren 28an onartu zen 2023/08 Errege Dekretuaren bidez. Hasiera batean apirilera arte mantendu behar bazen ere, denbora aurrera joan ahala, uztailera arte luzatzea erabaki zen.

BEZaren igoera honek biomasa erregaien azken prezioa handituko du eta erregai fosilen aurrean duen konpetentzia murriztu. Murriztutako zerga mantentzeak energia berriztagarrien aldeko apostuan pausoak eman eta karbono neutraltasunaren bidean aurrera egitea ahalbidetuko luke, etorkizunerako energia-trantsizioan erregai garbien alde eginez.

Por un IVA reducido del 10% para los biocombustibles sólidos | AVEBIOM

Aerotermia eta fotovoltaika instalazioa Ibarrangeluko etxebizitza batean

/in /by

Etxebizitza honetan egin behar ziren energia-birgaitze lan orokorren barnean, ur beroa sortzeko aerotermia eta instalazio fotovoltaikoa kokatu dira, honela berriztagarrietan oinarritutako kontsumoa duen etxebizitza lortzeko.

Energia elektrikoari dagokionez, 6,5 kW-ko instalazio fotovoltaikoa kokatu da 5 kWh-ko biltegiratzea duten bateriekin. Sarera konektatuta egongo da hau, soberakinen konpentsazioarekin.

Energia termikoari dagokionez, zoru erradiantea instalatu da etxebizitza berotzeko, bertatik pasaraziko den ur beroa 10 kW-ko aerotermia-ekipoak berotuko du. Bestetik, UBS sorkuntzarako, bero-ponpa txiki bat integratuta duen depositu bat erabiliko da.

Eibarko Azitain poligonoan instalazio fotovoltaikoaren handitzea

/in /by

Aurretik Rafael Lapeyra SL enpresan egindako instalazio fotovoltaikoaren handitze lanak egin ditugu.

Lehenengo fasean 30,24 kW-ko instalazio fotovoltaikoa jarri zen martxan, 20 kW-ko inbertsore batekin eta 20 kWh biltegiratze-ahalmena duten bateriekin.

Egindako handitze-lanekin ondorengoa lortu da guztira:

  • 105,04 kW eguzki-moduluetan
  • 20 kW-ko lau inbertsore hibrido, guztira 80 kW inbertsoreetan
  • 40 kWh-ko energia-biltegiratzea baterietan argia joaten bada argindarra izaten jarraitzeko

Markina-Xemeingo txabola baten elektrifikazioa

/in /by

Argindarrik ez zegoen txabola batean eguzki-plakak instalatu ditugu bateriekin. Gainera, solairu bakoitzean koadro bat kokatuz argiak eta termo elektriko bat jarri dira, argia eta ur beroa izateko.

Honela, 4,4 kW-ko instalazio fotovoltaikoa egin da, 5 kW-ko inbertsorearekin eta 9,6 kWh-ko biltegiratzearekin baterietan.

Furgoneta batentzako energia-maletina

/in /by

Batzuetan camper moduan erabiltzen diren furgonetetan ez da instalazio finkorik egin nahi izaten espazio gehiago izateko barnean. Tolestu daitekeen eguzki-plaka batekin eta konexio-elektrikoak integratzen dituen maletin batekin energia-estazio portatil bat eduki daiteke.

Egindako azken lan honetan inbertsorea eta karga-erregulatzailea maletin baten barnean integratu ditugu beharrezko konexio guztiekin plaka, bateria eta kontsumo-puntua modu errazean konektatzeko. Gainera, bateriaren karga-egoera eta eguzki-sorkuntza bezalako datuak kontrola daitezke bistaratutako datuei esker.

Kasu honetan 160 W-ko eguzki-panela eta 1.200 W-ko inbertsorea erabili dira.

Berokuntza-sistemaren kontrola eta erregulazioa LEARTIKER eta LEA ARTIBAI FUNDAZIOAN

/in /by

Jende askok lan egiten duen bulegoetan ez da erraza langile guztien konfort termikoa topatzea, normalean solairuko termostato bat egoten baita eta honek berogailu guztiak aldi berean piztu edo itzaltzeko agindua ematen du.

Honi konponbidea emateko, berogailuak banan banan kontrolatzeko aukera ematen duten balbula termostatiko adimendunak instalatu dira. Balbulak radio-seinale bitartez komunikatzen dira zentralitarekin, eta azken hau internetera konektatuta dagoenez, erradiadore bakoitza edozein lekutatik piztu edo itzaltzeko aukera ematen du sistemak.

Erregulazio eta kontrol sistema berriari esker, eraikineko kontsumo termikoa murrizteko eta eremuen kontrol banandua egiteko modua lortu da.

Karrantzako etxebizitza batean aerotermia eta zonifikazioaren kontrola

/in /by

Etxe honetan instalazio fotovoltaiko bat zegoen aurretik eta gasoliozko galdara baten bitartez berotzen zen lehen. Bezeroak eguzki-moduluen aprobetxamendua handitu eta kontsumo fosila ezabatzeko aerotermia-ekipo bat instalatu nahi zuen, era berean etxeko berokuntza zonifikatu eta logelak klimatizatzeko.

Aipatutako beharrak asetzeko tenperatura altuan lan egin dezakeen 14 kW-ko bero ponpa bat instalatu da 240 L-ko interakumuladore batekin, Ur Bero Sanitarioa ere hornitzeko. Honez gain, etxeko eremu desberdinen berokuntza/hozketa modu independentean kontrolatzeko zonifikazio-sistema bat jarri da eta logeletan fancoilak kokatu dira.

Mallabiko baserri batean banaketa hidrauliko berria

/in /by

Baserri honetan gasolio-galdarak berotutako uraren banaketa gaizki diseinatuta zegoen eta ur beroaren zirkuituan dutxak erradiadiore bat gehiago bezala konektatuta zeuden, hau da, dutxan ur beroa izateko etxeko erradiadore guztiak berotzen ziren lehenengo.

Hau konpontzeko, hoditeria hidraulikoaren banaketa berritu da kontrol-sistema egokitu bat instalatuta, orain ur beroa modu egokian banatzen da etxean zehar.