Etxebizitza honetan egin behar ziren energia-birgaitze lan orokorren barnean, ur beroa sortzeko aerotermia eta instalazio fotovoltaikoa kokatu dira, honela berriztagarrietan oinarritutako kontsumoa duen etxebizitza lortzeko. Energia elektrikoari dagokionez, 6,5 kW-ko instalazio fotovoltaikoa kokatu da 5 kWh-ko biltegiratzea duten bateriekin. Sarera konektatuta egongo da hau, soberakinen konpentsazioarekin. Energia termikoari dagokionez, zoru erradiantea instalatu da etxebizitza berotzeko, […]

Argindarrik ez zegoen txabola batean eguzki-plakak instalatu ditugu bateriekin. Gainera, solairu bakoitzean koadro bat kokatuz argiak eta termo elektriko bat jarri dira, argia eta ur beroa izateko. Honela, 4,4 kW-ko instalazio fotovoltaikoa egin da, 5 kW-ko inbertsorearekin eta 9,6 kWh-ko biltegiratzearekin baterietan.

Jende askok lan egiten duen bulegoetan ez da erraza langile guztien konfort termikoa topatzea, normalean solairuko termostato bat egoten baita eta honek berogailu guztiak aldi berean piztu edo itzaltzeko agindua ematen du. Honi konponbidea emateko, berogailuak banan banan kontrolatzeko aukera ematen duten balbula termostatiko adimendunak instalatu dira. Balbulak radio-seinale bitartez komunikatzen dira zentralitarekin, eta azken […]

Baserri honetan gasolio-galdarak berotutako uraren banaketa gaizki diseinatuta zegoen eta ur beroaren zirkuituan dutxak erradiadiore bat gehiago bezala konektatuta zeuden, hau da, dutxan ur beroa izateko etxeko erradiadore guztiak berotzen ziren lehenengo. Hau konpontzeko, hoditeria hidraulikoaren banaketa berritu da kontrol-sistema egokitu bat instalatuta, orain ur beroa modu egokian banatzen da etxean zehar.

Muxikako txabola batean 8 eguzki-modulu instalatu dira inbertsore hibrido batera konektatuta. Honela, 4,4 kW-ko potentzia duen instalazio fotovoltaikoa garatu da, etorkizunean bateriak konektatzea ahalbidetuko duena egindako konfigurazioa aldatu gabe.